2/2/2014 - 17個月淇淇和2個半月稀稀交流趣事

17個月淇淇和2個半月稀稀交流趣事～

2014年2月2日--年初三朝早，未夠17m的淇淇B上我床想爬去2.5m稀稀度，我怕佢擲親稀稀於是捉住佢，但係淇淇扭計一定要過去，於是我護住稀稀由佢過，點知淇淇原來想跨過稀稀拎個搖鈴，拎左之後響妹妹面前搖俾妹妹睇，妹妹見到淇淇搖搖鈴，有反應，笑喎！跟住我同淇淇講，「妹妹笑笑喎！妹妹中意同淇淇玩呀！」跟著淇淇又好開心嘻嘻笑💗~~ 

野都未識講既2個BBs都識得咁樣去express love, 我覺得好amazing!! Love is beautiful!!

臨放完產假返工之前個零禮拜帶淇淇稀稀返左婆婆家，點知淇淇一返去好興奮，突然曵左好多！唔肯食飯又成日扭計lurr 地/撞地😭😭😭！ 而且好似盲頭烏蠅咁，亂跑亂衝亂撞，搞到返左去5日已經多左7撻8撻響頭仔面仔，心痛死爸爸媽媽婆婆公公了💔！過左兩個禮拜，開始適應，乖返好多。特別爸媽湊返家，或媽媽去婆婆家探佢時，都會比較乖。

而家淇淇雖然偶爾會吃醋，但每次叫佢錫錫妹妹都會錫，反而錫爸爸媽媽就要睇心情。基本上知道自己係家姐，好錫妹妹。

淇淇而家已經好懂事，大部份時間都好乖，睇到媽媽唔開心會錫錫媽媽，或者自己喊埋一份，好有同理心，又試過摸摸媽媽既頭，示意安慰媽媽。head, eyes, nose, ears, hands, mouth, toes, 中英文大致都識，問親都識得用手指指住正確位置，穎姨姨又教識左佢請請同將利是放入袋，好玩到不得了！又識bye bye 飛吻，不過好多時人地走左先bye人地。如果係同貓貓狗狗等動物bye，就諗都唔洗諗即刻bye&飛吻！

而且淇淇行路越來越叻，好穩陣，甚至唔洗抱可以拖住一隻手搭電梯了！

試過上個月叫佢幫我攞個「禁禁」（遙控器），佢望幾望了解左之後就響電視櫃拎個遙控器俾坐響梳化既我。呢排又學識左大力拍拍爸爸背幫爸爸dup骨，好可愛！

有時見到差不多大或大幾年既小朋友，又識握握手，give me 5， 點蟲蟲，我地開始教佢玩小明。

淇淇現在每天飲1-2餐奶，最多3餐，仍然會用奶樽，明明一向唔食奶咀，但有時候貪玩會取稀稀奶咀來咬，成個Bb樣好得意。

稀稀2.5月，好中意同人講野同望住人地眼睛，好似好識同人溝通咁，但就比較痴身，特別痴媽媽，中意抱，會喊好耐，喊到好似好慘咁扭抱。初時返家爸爸冇覺好訓，晚晚我要攬住訓。初時好怕焗親佢，大大下而家飲完夜奶放上床都肯自己訓，唔洗成日攬住，開始大個，定啲。妹妹生長線只有25，但都比淇淇同齡時長得多。增長增重都不錯！